مسابقة اجمل تعليق ..

[سـامي الوايلي]

مساكم ورد وطيب ..

..


http://www.almlf.com/get-5-2010-almlf_com_7mz9fmeb.jpg (http://[URL]http://www.almlf.com)

مسابقه تنشيطيه ..

بشكل اخر ..

راح اعرض لكم صوره لمهدي ..


والمطلوب منكم

..

كتابة تعليق على الصوره

واجمل ثلاث تعليقات .. راح يكون لكل عضو فيها زيادة 100 مشاركه

طبعا مهدي اللي راح يختار وهو الحكم بيني وبينكم

المايك لكم

:33:

[الشيهانه]

الصوره حلوه ^_^


بس لـ الاسف مآ اجيد التعليقآت :25:


ولكن باكون متآبعه لـ الجميع

والف شكر لك : )

[عـزوة أهلـهـا]

الله عليك ياسامي ..
عليك افكار رهييييييييييبــه ..~>الظاهر من نتايج العمليه :)

,’

لي عوده مع تعليق يليق بالصوره ..

شكراً كثر المطر اللي جانا اليوم ..

[لمسة احساس]

الله الموضوع رائع ومحفز
هل ياترى التعليق ممكن يكون بيت شعر أوشئ من هالقبيل
بوساره
كل الشكر وباقة ورد

[هيت]

صوره روعه ومعبره والتعليق عليها صعب جداً ..

لي عوده ..

[عيون مغليها]

مسابقه رائعه ولي عودة بالتعليق

شكراً لك سامي

[سـامي الوايلي]

التعليق .. مفتوح للجميع والقصد المشاركه وتغيير الجو بعيد عن المسابقه
يعني حياكم وشاعرنا وده يشوف .. تفاعلكم جميع سواء بابيات شعر او تعليق عادي

[أم نجــد]

جميل جدا ً

بإنتظار البقيـه ومتابعين معكم
على القوه

[دبلوماسيه]

ليس مهم أن نتمسك بتراثنا المهم أن تبقى مبادئنا كما هي

وليس إثبات الشجاعة أن تمتلك السلاح ولكن الشجاعة أن تقول الحق ولو على نفسك

‏=وكلا الصفتين-الثبات على المبدأ"والشجاعة في قول الحق=أراها في صاحب هذه الصورة

فما اجمل أن تكون الحسيات معبرة بصدق عن المعنويات!!

‏=‏=‏=‏=‏=‏=‏=‏=‏=‏=‏=‏=‏=‏=‏=‏=‏=‏=‏=‏=‏=‏=‏=‏=‏= ‏=‏
هذا تعليقي<أدري أخرجت به سالفة أخرى!!
ولكن لا يهم الأهم اللي بقلبنا أخرجناه

دمتم على ما يرضي الرحمآن

[لمسة احساس]

http://www.almlf.com/get-5-2010-almlf_com_7mz9fmeb.jpg (http://[URL]http://www.almlf.com)


حنّا بني وايل هل السيف الشطير
تاريخنا اوضح من سنا .شمس النهار
انشد هل التاريخ كان انك غرير
عن صيت وايل .خذ من الكتب الخبار
في عز وايل جدّنا قول ٍ شهير
اللي بذراه . اصغر طيور الله أجار
عدوّنا يبشر بشر مستطير
وصديقنا نفديه بأرواح وعمار

وايل كما موج البحر جاله هدير
عدوهم مكسور يبشر بالدمار
وحنا امتداد اجدادنا بنفس المسير
نفخر بورث وارثينه من حرار
يشهد لنا التاريخ والسيف الشطير
بالمجد شافت فعلنا شمس النهار

:48:وسلامتكم :48:

[مثل البحر]

فكره رائعه لي عودة انشاء الله
يسلمووووو
على الطرح الرائعه

[مثل البحر]

http://arb-up.com/i/00055/e2pg7c6mzsru.jpg


ابي مثله بنفس الطيبه والأحساس والمظهر
ابي مثله كريم وشهم وله اسمه وله منبر
ابي شاعر اذا اشعر يغيض اعداء ويقهر
جميع اللي تحـــــدونه ويتفاخر ويتكبر

[عَبَثْ]

فكره حلوه

يمتكن لي بآإك

[ريمي]

مالي في التعليقات

لكن طرى على بالي شطر أعتقد ينفع تعليق


( لبيه يالحد الجنوبي وجيناك)

[محمد الطريسي]

http://store0.up-00.com/May10/9aG06591.jpg (http://www.up-00.com/)


بما أن الصوره تعتبر تمثل زي تقليدي لأهل الجنوب ورجاله العزيزين عليّ أرتجاليتي لهم كلهم




أعشق جنوب المملكه وجباله=واليا طلبني بالشعر ارقاله

أجرّ له من صوتي المزيوني=موال.. مايشبه سوى مواله

رجّالهم ما عابته جنبيّه = للأهل نهر وللعدو شلاله

يعجني فيه العزّه الاصليه = افعاله تصادق على أقواله

مبداه واحد فالحياه و ثابت=ورث ِ قديم ِ من جدوده شاله

إما يعيش وهامته مرفوعه = والاّ يموت بعزته أشواله

[سـامي الوايلي]

لاهنتوا جميع .. وماعليك زود يامحمد


واللي قالوا لنا رجعه

انتظرهم

[سـامي الوايلي]

انتظر عودة اللي قالوا لنا رجعه الين يوم الخميس القادم

..

تحيه لقلوبكم

[عَبَثْ]

الشطر هذآإ لقصيده لآبوي

وصرآإحه من شفت الصوره وهي تترد علي

( .. ماينحني راس على العز مرفوع ..)

[متذوق الشعر]

والله انا محتار بـ كم بيييت ، وخذوا الأحسـن <~ طممـآع :biggrin: ::


وقفتـي لا غبـت كـلٍ يفتقـدهـا .. مثل فقد العفـو حـزات الرجـاوي

/

إذا الوقفات ما رامت ثبات الشم يـوم تبـان
فـلا يالله تعـز وقوفنـا عنهـا ومدهـالـه
وإذا الأقوال ما ينطق بها رجلٍ فصيح لسـان
فأنا لو طاع شوري صمته أجزل له من أقواله
وإذا الأفعال ما ترقى لفعل تُعَز به الأوطـان
فلا أحدٍ يحسب انه با يطول النجـم بأفعالـه



نتمنـى التـوفيـق جممميعـآ ..
نششكر لكـم إدرآتنـآ الكـريمـه ،،!

[سـامي الوايلي]

مساكم خير

وعذرا على التاخير

فاز بجائزة اجمل تعليق الاخ محمد الحربي

الف شكر لكم جميعا

وانتظرونا في صوره اخرى

[ريمي]

ألف مبروك لخوي محمد

وحظ أوفر للباقين في المرات الجايه

يعطيك العافيه سامي لاهنت