فيصل ال فروان الوعيلي
06-13-2008, 02:04 AM
الاخوان الافاضل بعد طول غياب عسىىىىى ان تشفع لي واعذروني على التقصير
يكبر مقامي في عيون الرجاجيل=ويطيح في عين الردي والبنيه
بيتٍ سمعته هز جزل التماثيل=لـ(محمد بن الذيب) زبن الونيه
وحطيت بيت الذيب من غير تبديل=بيتٍ يهز عروق نفسي الشقيه
سلام ياجمع الرجال الحلاحيل=ترقى سماء بالفعل في كل هيه
ياللي ترد الصاع وتزيد بالكيل=وياأهل الكفوف الراهيات النديه
قررت اسافر واترك النت ياليل=وقلبي على الديره تزايد لظيه
بخاوي الدله وشوف المعاميل=وجلسه مع اهل العز واهل الحميه
في جر شعبٍ جارفٍ جاله السيل=البال سالي فرحتي عالميه
ياهادي المنعور نسل المشاكيل=قم قرب البراد والشاذليه
هات القدوع وهات بيض الفناجيل=وجهز لنا الدله بنفسٍ شليه
زود حوار البن وزود من الهيل=دلة عصر تبري الجروح الخفيه
فنجالها لا سيق والفكر به ميل=يروي العروق اليابسات الضميه
فنجالها يبعد هموم وغرابيل=وفي عين شاربها تساوي سريه
فنجال بنٍ يجعل الفكر قنديل =يجعل جزيل الشعر يقبل عليه
بيني وبين الشعر حب ومراسيل=لجله تحمت الخطا والخطيه
ولجله تحملت العنا والغرابيل=لنه يكافيني بجزل العطيه
وجهز لنا الشاهي وشل المواويل=ومد البياله جعل مالك بليه
وحط النصع قدام يامتعب الخيل =وهات البنادق خلها عنصريه
رميٍ على الذرعان من غير دربيل=وان كان جبته هاك مني هديه
هديتك يالقرم جزل التماثيل =يالي عزومك فالمراجل قويه
وختامها صلو إعداد الهماليل=على النبي المختار سيد البريه
يكبر مقامي في عيون الرجاجيل=ويطيح في عين الردي والبنيه
بيتٍ سمعته هز جزل التماثيل=لـ(محمد بن الذيب) زبن الونيه
وحطيت بيت الذيب من غير تبديل=بيتٍ يهز عروق نفسي الشقيه
سلام ياجمع الرجال الحلاحيل=ترقى سماء بالفعل في كل هيه
ياللي ترد الصاع وتزيد بالكيل=وياأهل الكفوف الراهيات النديه
قررت اسافر واترك النت ياليل=وقلبي على الديره تزايد لظيه
بخاوي الدله وشوف المعاميل=وجلسه مع اهل العز واهل الحميه
في جر شعبٍ جارفٍ جاله السيل=البال سالي فرحتي عالميه
ياهادي المنعور نسل المشاكيل=قم قرب البراد والشاذليه
هات القدوع وهات بيض الفناجيل=وجهز لنا الدله بنفسٍ شليه
زود حوار البن وزود من الهيل=دلة عصر تبري الجروح الخفيه
فنجالها لا سيق والفكر به ميل=يروي العروق اليابسات الضميه
فنجالها يبعد هموم وغرابيل=وفي عين شاربها تساوي سريه
فنجال بنٍ يجعل الفكر قنديل =يجعل جزيل الشعر يقبل عليه
بيني وبين الشعر حب ومراسيل=لجله تحمت الخطا والخطيه
ولجله تحملت العنا والغرابيل=لنه يكافيني بجزل العطيه
وجهز لنا الشاهي وشل المواويل=ومد البياله جعل مالك بليه
وحط النصع قدام يامتعب الخيل =وهات البنادق خلها عنصريه
رميٍ على الذرعان من غير دربيل=وان كان جبته هاك مني هديه
هديتك يالقرم جزل التماثيل =يالي عزومك فالمراجل قويه
وختامها صلو إعداد الهماليل=على النبي المختار سيد البريه