سآحــــة التحـــــدي للشعـــــراء

[شـــوق]

بــســم الله الرحــمـن الرحــيــم



حبيت يكون فيه نوع من التحدي بين الشعراء لنكسب المتعة ونضيف المزيد من الجمال للقسم ..



لذا المطلوب من كل شاعر ان يشارك ببيت اوبيتين .. وبناء على آخر حرفين في البيت يأتي الشاعر التالي بأبياته



ملاحظة : كل شخص سيشارك يجب ان تكون الأبيات له فقط



/


ارجو التفاعل من جميع شعراء المنتدى وياليت نشعل التحدي بالقوافي الصعبه الله لا يهينكم :)

[شـــوق]

عذرا منكم البدايه ستكون متواضعه معي ::


لا تعذبني دخيلك وانت ادرى الناس بحالي .. وعارف بالغلا في خافقي محد يوازيك


/


اللي بعدي ستبــدأ ابياتـــــه بالحرفين (ي_ك)

[زايد دلعها]

يسلمو شوق

أسفه دخلت عرض بس حبيت

أشكرك وأئيدك على الفكره الحلوه

ماعندي قصيده ولى كان كتبت :( :( :(

البركه في شعرا منتدانا

شكرن

[سـامي الوايلي]

هلا شوق موضوع جميل ..

وابشري انا راح اشارك .. بس لو يكون في قسم غير القسم هذا عشان نشوف تواجد الشعراء في المنتدى كافه مو بس بهالقسم ..

وجهة نظر والراي لك

[فواز بجاش]

فكرة جدا رائعة واشكرك على تبنيها - كما اوفق اخي سامي في وجهة نظره

والشكر للجميع ..

[النصراوي]

لا تعذبني دخيلك وانت ادرى الناس بحالي .. وعارف بالغلا في خافقي محد يوازيك

يكون انا عذبتك لكن قلبي عن الحب بعيد.....بعد المنتهى ما يعبيه الا الي يوازيك


حبيت اشارك لانه موضوع جميل


ويحمل اسمك


مع اني لا اكتب النبط


ولكن الموضوع يخص الشعراء


كل التقدير لذاتك

[صمـود]

شوق
موضوع جميل وشيق
اتمنى تفاعل جميع الشعراء
ارق التحايا لكم

[معالي آل مره]

فكرة خلاقه أختي شوق وراح تخلق روح المنافسه و الإبداع
أنا بحياتي ما كتبت شعر بس قلت أجرب حظي هنا

مشاركتي ...


يرقى الى العليا حميد الفعالي = و لا الردي ماله و مال الطويله

[شـــوق]

زايد دلعها .. مرورك يكفينا كل الشكر لك

سامي الوايلي .. هلا بك واكيد تواجدك بإستمرار مطلبنا

فواز بن بجاش .. شاكره مرورك وبإنتظار تفاعلك

النصراوي .. اسعدتني بمشاركتك الجميلة واتمنى ان نراك بإستمرار هنا

المسك .. شاكره مرورك الراقي

معالي آل مره .. بيت جميل بس ليتك ملتزمه بأخر حرفين ..
ع العموم كل الشكر لك وعلى فكره من اهداف الموضوع اكتشاف مواهبكم :078:

/

بإنتظار تفاعل الشعراء

[سـامي الوايلي]

دام البدايه من قصايد معالي = انا اشهد ان هذي البدايه جميله

واكيد انا ماراح اشارك لحالي= في ساحتك ياشوق نجد الاصيله

[الموناليزا]

مررتـ منـ هُناا .. أهتفـ مشجعهـ لمااطرحتيـ منـ فكرهـ
كلـ الشوكر أختيـ الشوقـ
:
:)

[عبدالله محمد]

فكره جميله جدا اشكرك اختي وزميلتي شوق


على هذه الفكره التي ننتظر فيها تواجد كبار الشعار


سوف اكتفي بالمتابعه ومطاردت الاخطاء


هذا بعد اذنك اختي شوق

[شـــوق]

سامي الوايلي .. بداية رائعه وبإنتظار المزيد منك


الموناليزا .. شكرا على مرورك ويشرفنا متابعتك


عبدالله محمد .. شرفتني بمرورك والمتصفح اعتبره متصفحك بس لا تحرمنا متابعتك


/


وبإنتظار تفاعل شعرائنا

[النصراوي]

لها في خاطري كل التحايا.....ومن الشوق لها شوق السجايا

هلة بديعة الحرف بالمزايا......واعجابي اسجله لها بداخل النوايا


اسجل حضوري ثانيه

[يحي ابن صيصان]

يـآرب آنـآ عبدكـ دعيتكـ وآنـآجيكـ
بسمكـ دعيتكـ يـآولي كل لبـآب
تغفر ذنوب المغترب يوم يدعيكـ
لآحن قلبه للرفـآقه ولحبـآب

[يحي ابن صيصان]

آختي شوق

سلمت آنـآملكـ اللي سطرت مثل هالموضوع المتميز من نوعه


ولآتحرمينـآ في منتدى آخوي مهدي من موآضيعكـ المميزهـ وإبدآعكـ المستمر


تقبل مروري

آخوكـ

آبو زيد

[شاجع الشريف]

موضوع رائع بس اتمنى تخلون الواحد يبدأ بآخر حرف مش حرفين تكون اسهل شوي وبكيفكم اعتبروني متابع لكم بلهفة وشوق ...

[شـــوق]

النصراوي .. تشرفنا بمرورك للمره الثانيه ونأمل ان نراك ايضا


يحيى ابن صيصان .. شرف كبير مشاركتك معنا ونتمنى تفاعلك بإستمرار


شاجع الشريف .. لو كانت على اخر حرف بتكون سهله واقل حماس .. وياليت ماتحرمنا متابعتك

[سـامي الوايلي]

ابدا معاكم واعتبرها البدايه = ما كنت فاهم فكرتك زين ياشوق

بسجل اسمي لين خط النهايه = والله يجملني مع اميرة الذوق

[صمـود]

اكتفي بالمتابعه
والاستمتاع بما ينثره الشعراء من درر

[طائر الشوك]

شوق



من ذا الذي خطف الفؤاد وأضناه...............ولطخه بنزف الورد والفل فأقاه


في جوف الشوق مبعدا في ارض..............جلمد لا ماء فيه خلاه

[شاجع الشريف]

شاجع الشريف .. لو كانت على اخر حرف بتكون سهله واقل حماس .. وياليت ماتحرمنا متابعتك

ويش عنده صياف الحربي ! http://1mhm.com/vb/images/icons/icon10.gif


ان حن نبى السهل اختي الكريمه شوق لأن ما حن بشعّار ( عليمية ) :)

[شـــوق]

سامي الوايلي .. الحمدلله اتضحت عندك الفكرة وشاكره لك مشاركتك الجميلة واتمنى ان اراك هنا بإستمرار

المسك .. حياك الله ولا تحرمينا متابعتك

طائر الشوك .. مشاركه رائعة كل الشكر لك

شاجع الشريف .. اترك الحجج عنك وعطنا أبياتك انا متأكده انك بتجيبها :078:

[شاجع الشريف]

أهدّي اللعب وتجي شوق يمي
تشرط على حرفين مبدا قصيده

وانا نويت أبدا معاكم واسمي
بابيات شعر مسبّكات وفريده

ماتدري انها لاعصت فار دمي
ثم انقطع من غيض قلبي وريده

ثم أندلق شعري على أطراف كمي
شاعر واذا غنى بس .. يُـنوش بـِـيـْدِه

[فارسة شمر]

مرحبـــــــا .. مساكم الله بالخيــــــر .. والله الفكـــــرة أعجبتني حيـــــل ..

وقلت بشارك بهلبيتين المتواضعــات ..

**********************

دهن السير يا ريم يمدحونه بالعلاقات ...
ومع صاحب المنصب تغدي رفيقــه ..

ترى بحياتي مانكبني إلا الصراحات ..
وإلا المجامل لانيب لــه ولاأطيقـــه ..

********************

فـــــــارســـة شمــــر ..

[شاجع الشريف]

قهويت من صافي قصيدي مدامع
آسوقها فنجال فنجال........فنجال

لين أكتفت ثم قالت اسمع يشاجع
الدمع ماهو بعيب من عين رجال

العيب كل العيب لا صرت ضايع
تكشف على غيري مدى نقمة الحال

[فارسة شمر]

الرب الله ربنا خالق السموات ..
عظيمٍ كل الملا يرتجونه ..

من حقه علينــا شكره بالعبادات ..
وألسنةٍ تلهج بعالي شجونـه ..

**************************************
فــــــــارسة شمـــــــر ..

[النصراوي]

نهاني ديني عن الغدر والاهانات....ونهتني عادات قومي عن فعل الرذيله

ونهاني خلقي عن شتم الكرامات...ونهتني نفسي عن خيانتك يا الجليله

كل الشكر

[كادي***]

...
بصراحـــــــه ..موضوووع حلووو مــــــررهـ ..<< دااخــــــــــلــه عرض ..
والله لو اعررف اكتــــــــب شعر ..كان كتبت ..بس وووين ..انا في الشرق والشعرفي الغرررب ..
و يعطيـــــــــــكـ العافيـــــــه حبيبتي شوق على هالفكــــرهـ ..
كادي***
...

[صمـود]

شاجع الشريف { صح لسانك
النصراوي { صح لسانك
سامي الوايلي ر صح لسانك

مازلت متابعه وبقوه التحدي

[محمد الدغيلبي]

فالوقت هذا ماضني يقنعك حالك = لاصرت مطعون والطعنه من احبابك

[شـــوق]

شاجع الشريف .. بيض الله وجهك كنت متأكده انك قدها والله لا يحرمنا من طلتك

فارسة شمر .. كل الشكر على المشاركات الجميلة

النصراوي .. شكرا لك دوما تضيف الجمال بأبياتك

سامي الوايلي .. صح لسانك وربي لا يحرمنا من وجودك

كادي والمسك .. تسعدنا متابعتكم كل الشكر

محمد الدغيلبي .. حياك الله في مضمارك واتمنى ان نراك دوما هنا

[فارسة شمر]

بكتني الدنيا من جور مااشوف ..
وبقوة طعون الخنــــاجر فتكت بــي ..

***
ومالي إلا دعوة الرب الرؤوف ..
وثم حـب الأهـــل والعزوة بجنبـــي ..


****************************************

فــــــــارسة شمـــر ..

[شاجع الشريف]

الله يسلمك شوق

ومساالخير للجميع

بيني وبين النفس مايكتم الزور
من جور همي بعتها في حريقه

بكره مثل يوم امس وايامي تدور
تنعـاد ماكـنهـا مشت بـي دقيـقـه

تقطع ثمان سنين في لمحة شهور
والعمر يمشي مستوي في طريقه

[سـامي الوايلي]

شاجع الشريف ..صح لسانك
طلبتك لاتردني (نبغى نشوف قصايد لك في المنتدى وربي انك مبدع)



قهويتني من دلال السم ياغالي = وان الي دلال قلبي فاحت بقدرك
شفت ابو نوره اليا غنى يا(عزالي) = ما كنه الا يصور وضعي وغدرك

[شـــوق]

فارسة شمر .. حياك الله وكل الشكر على مشاركتك

شاجع الشريف .. كلي سرور لما اراه هنا واصل فأنا متابعه لك

سامي الوايلي .. اضم صوتي لصوتك واطالب شاجع بقصيدة واكيد ماراح يردنا :)
ولاهنت على المشاركات الراقية

[فيصل خالد التميمي]

لوقلت احبك وشتقولين تكفين = ابغى الحقيقه يالغلا تنطقيها
بعطيك مهله يا منى الروح يومين =وان كان خجلانه خلاص اكتبيها



بقلم / فيصل التميمي انا

[مانع الوايلي]

يسعد مساء الشامخ ويسعد صباحه=اللي جمع بين الشعر والمحبين
أقولها وأنا زبون الصراحه=المنتدى هذا على الراس والعين

[محمد بن مشاري]

امد كفي للسما من حمل الكتاف =حزن بنبض القاع صوته نزف قلبي دوى

ويارب ترفعني عن الزله وعن ذل السفاف =وعن موقف يدرج ضعيف النفس من نزع الهوى

[شاجع الشريف]

ابشر ياسامي بعزك ولا عليك زود طال عمرك ...
وتروا الموضوع انحرف عن مساره ولا تقيدتوا بآخر حرفين !

[مراويح السحـاب]

..!..مساء الخير .!..

انضم الى قائمة المتابعين ..!..
بكل أمانه انتم مبدعين ورفع الله قدرك أختي / شـــوق ..!.
على الفكره البنّاءه .!..

!..هنا مراويح السحاب..!.

[شـــوق]

فيصل التميمي .. مشاركة رائعه كل الشكر لك بس ياليتك التزمت بآخر حرفين

مانع الوايلي .. وجود اسمك يشعل التحدي جزيل الشكر لك ولا عدمنا طلتك

محمد بن مشاري .. اثريت المتصفح بتواجدك شاكره لك

شاجع الشريف .. حي الله هالطله .. ونعذر شعرائنا يبدو ان الفكره ما اتضحت لديهم :43:

مراويح السحاب .. هلا بك وتسعدنا متابعتك يالغالية

[مانع الوايلي]

لامن حضرت فوسعولي براحه=لماني بشاعر مقيد بيتين
انا الشعر مني تقلد وشاحه=حتى ملا كل الكتب والدواوين

[شـــوق]

مانع الوايلي .. كفـــو والله اثريت المتصفح بروعة أبياتك
رغم انك ما التزمت بشروط التحدي إلى انك اشعلته :078:

[سـامي الوايلي]

شاجع منتظرينك ..
شوف انا راح اكتب البدايه باخر حرفين من الشاعر الي قبلي مدري هل انا صح ولا لا (ارجو التوضيح)


ينادي بصوت من جور القهر مبحوح = وارد لبيه يا عمري ويا روحي

يامانع الحق خوين بالشقى مذبوح= وصله علينا محال وزادت جروحي

[شـــوق]

ســـــامي الوايلي .. انت ماشي صح وابياتك دوما رائعة كل الشكر لك يالغالي ولا عدمنا هالطله

[سـامي الوايلي]

حي الله الشوق يوم الشوق جاوبني = واثنى على شعري الي انثره عنده

اطراء مثلك يشرفني ويسعدني = وبجلس هنيا ولو طالت بي المده

[مانع الوايلي]

شاجع منتظرينك ..
شوف انا راح اكتب البدايه باخر حرفين من الشاعر الي قبلي مدري هل انا صح ولا لا (ارجو التوضيح)


ينادي بصوت من جور القهر مبحوح = وارد لبيه يا عمري ويا روحي

يامانع الحق خوين بالشقى مذبوح= وصله علينا محال وزادت جروحي




حي الله اللي لفاني مغرم ومجروح=يشكي من البعد والحرمان وينوحي
ياسامي الوايلي معاد لك مصلوح=الا الصبر يارفيقي كانك بتوحي

[سـامي الوايلي]

لا تبحث السد وتزيد الجروح جروح =الصبر ما ابغاه ولا فيه مصلوحي

اما تجيني ونحزم عفشنا ونروح=ولا فسقت القدم لي داره بروحي

[مانع الوايلي]

لا والله أشتد وأبشر والبروق تلوح=شف دربنا دام براقك له ايلوحي
والله لونه ورا حد اليمن منزوح=لابد ماترتوي من ماه وتروحي

[شـــوق]

مـــانع الوايلي .. حي الله شاعرنا الراقي وجودك هنا يشكل إضافه كل الشكر لك

سامي الوايلي .. مشاركات رائعه من شاعر اروع لا عدمنــآك

/

ورجاء على كل الشعراء المشاركين الإلتزام بآخر حرفين

[سـامي الوايلي]

لاهنت يامانع وبيض الله وجهك يالاسطوره اشعلت حماس الهاجس بس اسمح لاي بغير الوضع لان شوق بدت تعصب علينا .. لان الوضع هنا غير ماهو بالمحاوره الي انت خابر هههههههه تبدا باخر حرفين من ابيات الشاعر الي قلبلك ..

يعني انا راح ابدا بالحرفين (ح ي) بدون التزام بالقافيه والوزن لابيات الشاعر الي قبلي

الضيف في حكم المضيف وحن كلنا ضيوف عل ساحة شوق ..


حي الله الي سندني يوم له غنيت = انا اشهد انك من سلالة قروم القوم

انا اشهد اني لشوفة خشتك حنيت= وحنيت لمجالسك يالفارس الزيزوم

[مانع الوايلي]

ومالشعر من غير التفلسف ولفكار=الا حكي ماله بقلبي مكانه
ولا انت ياسامي محنك ومغوار=تلعب على فن القصيد بحصانه

[حسين القفيلي]

ومالشعر من غير التفلسف ولفكار=الا حكي ماله بقلبي مكانه
ولا انت ياسامي محنك ومغوار=تلعب على فن القصيد بحصانه

هلا والله يامانع اتشرف لكي احضر هنا بعدك وتكون احرفك هي بداية مشاركتي


نهاروادعني حبيبي وسافر = الكون كنه مابقى فيه مخلوق
يالله ياللي للخطيات غافر= تعين قلبِ من عنا الشوق مفتوق

[سـامي الوايلي]

وقت مضى كنت احسب حساب فرقاك=واليوم روحي روحة مقيط يابنت

مادام خنتي الي على الناس بداك= خلاص بانت لي نواياك وايقنت ..!!

[مانع الوايلي]

نتابع بها الساحه تحدي وشعار=والكل منهم قام يسرج حصانه
وانا على ضهر المشهر والاخطار=ماهابها مادام فيدي عنانه

[شـــوق]

ســآمي الوايلي .. بيض الله وجهك على المشاركات الجميلة


حسين القفيلي .. وجودك يشرفنا و يسعدنا كل الشكر لك


مانع الوايلي .. متابعين لك استمر في نزف إبداعك

[حسين آل صمع]

مساكم الله بالشعر والحب

والاقربون اولى بالشعر :)



الشعر له حزته والناس = تميز البكر والثيب


يامرحبا ياهل النوماس = بعيدكم عندي قريب

[شـــوق]

حسيــن آل صمــع .. حياك الله وتواجدك يشكل إضافة كبيره لسآحة الشعراء ورغم انك لم تلتزم بشروط التحدي إلا انا كل مايأتي منك جميل ويسعدنا .. نتمنى ان نراك مره أخرى

[محمد بن مشاري]

بأرخ فعلته ماضي مثل ماكان ورث جدود=وأروي قصته فيها مثل ماجت على السانه

وباحب الحب ماله حد ولاأتامله بالمحدود=وأقول العشق في طرقي نظم شعري وقيفانه

[شاجع الشريف]

نهار اللي يتابعنا عبق ريح الزهر والجوز=
=عسى يسعد لي ايام الحضور ومن يشاركنا

لِنُعْطي ماأتانا من مَذاقِ القافِ بالمنجوز=
=يُروّح عن نُفوسٍ بالنَّظر تقرا مداركنا

[سـامي الوايلي]

ناديتك لك ياهوه ياهو ياهوه = ادخل على الله لاتزيد المواجع

واليوم جرحي كل ذا الناس شافوه=والحين جاي تقول انا اليوم راجع ..!!

[نقاء]

.



متابعه معك يالشوق .. زرتها كثير :)




وصحت أرواح النابضين هنيا


.

[محمد الدغيلبي]

جعل الزمآن الى جمعنآ وجينآ = يبقى لنـآ صآفي ولآفيــه تقصــير
يامآ من ذنوبــن جنتها يدينا = تضيق منها النفس لو سدها بير

[سـامي الوايلي]

يرميني الحظ في ساحل جزيرة حب= واعيش فيها يتيم الحب والاشواق

يمكن عشاني صدوق وما عرفت ألعب =ويمكن لاني فقدتك يا دوا الخفاق ..!

[يحي ابن صيصان]

آقطر هنـآ وهنـآكـ وآحـآول آكسب
خوة بني عمي هل العز والطيب

[مانع الوايلي]

يبداء معي شعر الغزل والتوله=وأتركه لي ثارت سعاطير راسي
يابوك أنا ماني بغروٍ تتله=أنا زبون الشامخات الرواسي

[شـــوق]

محمد بن مشاري .. مشاركه رائعة كل الشكر لك على التواجد

شاجع الشريف .. حي الله الشعروالشاعر وكل الشكر لك على الإبدآع الذي هطلته

سامي الوايلي .. دائما ماتأتي بالمشاركات الرائعة كل الشكر لك

نقاء .. تسعدنا متابعتك كثيرا .. كوني في القرب دوما

محمد الدغيلبي .. تواجدك لوحده اعتبره تشريف .. لا عدمناك

يحيى بن صيصان .. حياك الله وكل الشكر على المشاركة المشــرفة

مانع الوايلي .. تواجد كبير ورائع .. الله لا يحرمنا منه

[سـامي الوايلي]

سيرة هل الشعر يامانع زهت باسمك=واصبحت نبراس لاهل الشعر والمعنى

عطنا الغزل كان تبغاني اجي يمك=واشكي لك الي يهيضني على المغنى ..!!

[مانع الوايلي]

نامت عيون الملا والعين مانامت=والشعر ياسامي أشغلني وأنا أشغلته
ماكل عذرا تهز القلب لي قامت=درب الغزل ياطويل العمر قفلته
صديت منه ونفسي يالشلي شامت=خذيت قسمي مع العالم وشكلته

[محمد بن مشاري]

هالني ذاك السكوت اللي حملني فـي يدينـه=واخنقتني عبـرة قشـرا وسرانـي عناهـا

انكسر خاطر فؤادي والعيون امست سجينـه=للدموع وكـل دمـع هلتـه عينـي فداها

[يحي ابن صيصان]

هـآضتني المعجزه في عرش إبن هـآدي
ثم هضت لي معجزهـ في عرش كرسيي
إتشيب القـآف في مرقـآبهـآ البـآدي
وآلقـآف طـآيع ولآزم بنه إيعيي

[محمد الدغيلبي]

يااهل الغزل نياتكم محترمها = لونكم في كل وآدي تهيمون
النفس مامورها ولااحد امرها= وانتم رجالن في المواقف تبينون

[شـــوق]

جزيل الشكر لشعرائنا الذين مروا من هنا ..

واصلوا نثرالإبــــدآع فنحن مستمتعين بكم

[حقائق المعنى]

اقول من كل قلبي اختي شووووق




على الموضوع الجميل اختي شوق




المعذره انا متاخر بس اعجبني الموضوع والمحاوره





تحيااااااااتي

[سـامي الوايلي]

ونيت ونه من ورى حدب الاضلاع=سمع صداها الي سكن دولة الصين

باسباب رجل.ن. فيه كل الرجا ضاع=انكر جميل رجال حطوه في العين ..!!

[محمد بن مشاري]

عجبت لامرك ياغـلا سقمت حالي ماشفيت =جزمت الفرقا والهوى مايقبل براي الشوير

لحظه حبيبي مابعد علمتني كيف انتهيت =كتبتني قصة ولا خليت لحدودي اخير

[صالح اليامي]

يرجع على البيت مضـوى العرجــا = ولا الأصل يبقى وغيره زايل
سامي غدا الانذال هم المنجــــى = في مجتمعهم كل شي مايل

شكرا شوووق ..

تحيه شاجع ..

ولا يهونون الباقين ..

[عبدالله الحسين]

كن القصايد وقفة وقفة خضوع = محتارةٍ في الوصف يازين لطباع
الشعر له همسٍ وله صوت مسموع = لاجيت اقوله فيك ضيعني وضاع

[شـــوق]

حقائق المعنى .. تسعدنا متابعتك فـ أهلا بك


سامي الوايلي .. حضور رائع وملفت للنظر لا عدمنا تواجدك


محمد بن مشاري .. جزيل الشكر على المشاركه الجميلة


صالح اليامي .. اهلا بمن انار المتصفح كن هنا دوما


عبدالله الحسين .. حيآك الله وجزيل الشكر على المشاركه الرائعه

[سـامي الوايلي]

اعرف خفافيش الظلام الحقيره = لكنك وربك ماحسبنا رداهم ..!!

قلوبنا والحمد لله كبيره=وماهمنا من هو مشى في خطاهم ..!!

[صالح اليامي]

همي ذبحني من تغيّر وفاهم = ليش انكرونا وحملونا مناقيد
بعض العرب يجرح ويُزعل خطاهم = ولا الحثاله ترا فراقهم عيد

[محمد بن مشاري]

دنياي قولـي ليه انـا معـك مخـذول=قولي وش الي استفدت وخذيته


دنياي ماعندي اساليب وحلول=كل شي قدمته بيميني عطيته

[مانع الوايلي]

تهت وخذيت من الشعر بيت مدفون=اقدمه للي بقلبي غلاهم
صالح وسامي للمراجل يعنون=للقمه العليا تبارا خطاهم
خلو هل النمات عنا يولون=اللي تواجدهم يشابه جفاهم

[صالح اليامي]

هموم يا مانع لها القلب مدهال = وجيت للأنترنت ابغي جفاها
لكن لقيت الهم في القلب ما زال = عايش مع العالم وقلبي معاها

[مانع الوايلي]

هات اقلط اقلط يارفيقي علي دون=عطني العلوم اللي بقلبك صداها
وخذلك معي بيتٍ مقفى موزون=العاصيه لابد تلقاء دواها

[صالح اليامي]

هذي البداية يا سليل السلاطين = وعلومي با هلها لك لحالك
ابا انشدك هل للنذاله ميادين = وليه الردي بين الغرانيق هالك

[مانع الوايلي]

لك يارفيق العز عندي عناوين=بالمجد والناموس يزها وصالك
خل الرعاع الضايعين المساكين=وشتلهم من وسط عينك وبالك

[صالح اليامي]

لكم بيضا وحن يجمعنا بكم همدان = والعز نتوارث من العصر الأول

[مانع الوايلي]

لك ترفع البيضا على راس مابان=يوم الردي من جاير الوقت حول
يكفيني انك تحتمي بأسم همدان=وتسوق للعليا القدم وتجول
يوم الردي بين الغرانيق هلكان= ماهمه الا كل وجهٍ يهول

[شـــوق]

سامي الوايلي .. جزيل الشرلك ياكبير


محمد بن مشاري .. رائع في تواجدك كل الشكر لك


صالح اليامي .. حضور جميل واستمتعنا بمحاورتك مع العملآق


مانع الوايلي .. تواجدك دوما يبعث الجمال على المتصفح كل الشكر لك

[سـامي الوايلي]

ول يالي مانفع فيك الجميل =خل منهو صدقك يضحك معك

ماحسبت حساب مثلك ياهزيل=ولا سألت اصلا عن الي طاوعك

[صمـود]

هنا والشوق يأخذني اليكم
شعراء شامخين
يداعبون الحرف ليرتمي على بساط الساحه اكثر جمالا
هنا ومازلت اتابع
,,,
.

[مانع الوايلي]

عكر الجو الاصيل أبن الاصيل=وأنصت للقافك وقف يسمعك
خل من ولا يولي والحصيل= عشره تضرك واحد ينفعك

[روح]

أقف هنــــا بكل أحتـــرام ..
وأصفق بحرارة قوية تدوي الأرجـــاء ..
لما قرأته من عذب سطور هنـــا ..
سأكون هنا دائما..
أرتشف من عذب سطور الشعراء..

[محمد بن مشاري]

كني معك هامش وانتي الأصل كلّه =لا جيت انا حامش هدّيتي أوضاعي

مـوّال كل ليله مكتوب مامـلّه =اشيلك بقلبي وأسكّر أضلاعي

[مانع الوايلي]

عيا يجيني للغزل اي طاري=القلب صد وغير الوقت طبعه
من يوم صار الحب بايع وشاري=خليت له ناسه وخليت ربعه

[صالح اليامي]

عهد علي ما دام في القلب نبضات = ما انسى هوى اللي عن غلايه تبرى

[الهايم الهمامي]

الفكره جميله جداا

يقوول

قالوا وش تحب فيه يومه يجافيك

لا اتصال منه ولا حتى رساله

قلت يا لعنبو صوت عليه يصحيك

وحبه رسى بالروح والقلب جاله

قالو مناتك قبل ما الموت يوافيك

قلت بسمه من شفاه وانا كلي حلاله

تحياتي

الهايم الهمامي

[محمد بن مشاري]

قويت بلحظة وداعك أداري دمعتي لا تطيح=لاكن يوم عني اقفيت عجزت وطحت انا كلي

السماء والأرض واللـيل وألآيام بـعـدك تصيـح=وش بقا من عـمـري من بعدك أوقاتي تملي

[سـامي الوايلي]

لي قلب عمره مارضى الذل يابنت=روحي فمان الله والبادي أظلم..!!

مادام من عيني تمايلت ثم طحت=ماترجع لعيني لو الكافر اسلم..؟؟

[مانع الوايلي]

لما طاب جوي والشعر وسط قلبي ثار=سرجت المشهر لجل خاطر جماهيري
وسقته على اللي له زمانين بأيد أحرار=وجبته لو ان دونه صفوف وطوابيري

[صالح اليامي]

ريانة العود وينك فيك قلبي مُستهام = والخفوق بصادق الشوق يلعب لك طرب
انتي الكل ومن غيرك (اليامي) حطام = اقولها والصوت عالي واشهدوا يا عرب

[شـــوق]

جـــــزيل الشكر لكل من مر من هنا فلقد ارتوى المتصفح بجمال مشاركاتكم الشعرية .. واصلوا هطـولكم الرائع

[سـامي الوايلي]

ربيت في ظل ابوسامي عريب الجد=واشوش للناس نادتني ولد مطلق

لي ثار سيل الشعر من خاطري وانهد=ماعاد يمدي خيولك تلحق المطلق

[محمد بن مشاري]

تحسب انك من ذهب والا على الشمس استويت =وان الكواكب لعبتك والكون لجلك يستدير

مخافة الله ماعرفت ولاحشمت ولااستحيت =وتذكر الله لاابتلاك وتطلب المولى البصير

[عبدالله الحسين]

قال أنت طيب .. قلت مانيب طيب = وشلون أطيب وخاطري منك ماطاب
لو تبتعد عني أشوفك قريب = وطيفك معي حاضر ولا يوم قد غاب

[شـــوق]

سامي الوايلي .. كفو والله ياولد مطلق ولا هنت ع المشاركة

محمد بن مشاري .. مشاركه رائعة جزيل الشكر لك

عبدالله الحسين .. نتشرف بمرورك وكل الشكر لك

[سـامي الوايلي]

ابغاك تترك عنك القيل والقال = واسمع كلامي وافهمه واحفظه زين ..!!

لو الشعر عمره رفع قدر رجال=ماكان تكتبه النساء والبزارين ..!!

[محمد بن مشاري]

لاصارت الشغله تسير وتمشي بخشم الريال=ولايتهيأ اي حاجه كود تدهن سيرها

والحقيقه واضحة وكلمة الحق تنقـال=دنيا نبطي ماجنينا ولا اخذنا خيرها

[شاجع الشريف]

هاطق وغاذم بعد ذاك التمسكان=بعد الخنوع اللي كساك ورضعته
يومك تحفّاناذليل(ن)ومنهان= والراس من دون المعالي خضعته
عثرة رٍجل ما هي مثل عثرة لسان=ولسان مثلك لي بلاني قطعته

اللهم اني صائم!

شاجع الشريف الأصلي

[شـــوق]

سآمي الوايلي .. ابياتك جبتها في الصميم كل الشكر لك :)


محمد بن مشاري .. حضورك جميل دائما لا عدمناك


شاجع الشريف .. لا هنت على المشآركة الجميلة وعلى الحضور الرائع

[دَانْيَال]

من اصغرنا ليا اكبرنا مــــطنّخ .. أســود رجال صلفين اليـــماني

زحازيح(ن) ليا دارت خطانا .. على البيدا يصير (ا)بها جناني

[ناصرالروقي]

رسمة اسمك علا جدران قلبي .......بلوحة فن ترسمهايديه
رسمتك لوحة حلوه جميله........واقدمها لجل روحك هديه

ابيها ذكريا تن في ودجودك............مبي يانورقلبي لك بذيه

حياتي لاتصدي ياغناتي .........ترى الصدات تذبحني شويه

ابيك الياذكرتي حب ناصر.........تشوفي وش رسملك من هديه

[ناصرالروقي]

هلا بالغلا نورت شاشة المحمول =احسن فرحة صاحبه تومازانت
الك وحشتن بالقلب يالصاحب المجمول =وجيتك يمي ياريش العين لاهانت
فديت العيون اللي لها بالغلا مدلول =لياغبت عنها ساعه الوقت اللي شانت
اباقول لونه مايفنع كثير القول =ابقول منهي تملك القلب من كانت

[شـــوق]

دانيآل .. وجودك اضاف المزيد من الجمال للمتصفح كل الشكر لك ولا عدمنا هــ الطله


ناصر الروقي .. مشآركات رائعه لا هنت عليها ولك فائق الشكر

[آجمل إنسانه]

تبونـ الصراحهـ كلكمـ ما فيكمـ حيـلهـ >>>آدري متأخره
مبدعييييييييييييييييييين ونــطــمح بالمــزيــد
وانــا اول المتابعينـ:)

[شاجع الشريف]

اخسي خساش الله بسوس(ن) تميّس =تسرج فواتين الفتن للعواني
قبل امس جات وحرضت خال هجرس=لين انعقد مفتون روس الفهاني
أعوذ من شر(ن)تخطاش وابلس=باللي خلقني من عدم ثم نشاني
واحط يدي في يد الذيب الأحلس=سامي ولد وايل عريب المجاني
وانا ولد ناصر لما كل(ن) افلس=أبقى رفيع وشامخ(ن) في مكاني

شاجع الشريف (الأصلي)

[سـامي الوايلي]

نيتك بانت ولا يحتاج اكثر في الكلام= سامحك ربي ولكن لا تفكر في الرجوع

لاعليك اليوم شرهه لا ولاحتى ملام=الملامه خلها فيني بعد يوم الربوع ..!!

[محمد بن مشاري]

وشدتني الذكرى على هاوية الإنحراف=ياتلحق علي ولاكل الذكريات امحيها


وعلى كف الهوى بأوجهلك اعتــراف=غيرك عطاني الروح وقــلـت مـأبـيـها

[ناصرالروقي]

ياليتني يومً ربي خلقني =شامه على خدك معك دايم الدوم
ليت الليالي بالغلا جامعتني =وياليت قلبي عنك ماهوب محروم
يا اسره قلبي ويامالكتني =عودي على قلبي قبل ينته اليوم

[ناصرالروقي]

ياما سهرت الليل مع طيف ذكراك =يسيري مع عيوني هجوسك وذكرك
حبً مشاركني وحالي محياك =واللي محليها سكونك وصمتك
يم العيون اللي لها رمشً اطغاك =ياليت ربي خاط رمشي ورمشك

[شاجع الشريف]

نيتي والشاهد الله ما بدا فيها عسام=غير لمزك هيج الخاطر وعداها قطوع
ما في الخطا كون القدا دنيا على هلها السلام=وان طالبوني بانثني للحق واسوق الجموع
للحق نعطي بندق وشلفا على قد المقام=معدالنا يوم القبايل تقبل بحد الشروع

[سـامي الوايلي]

سلام الله عليكم جميع ..

اخواني الشعراء احب ابين للجميع اني وربي ما قصدت بكلامي اي شاعر وانا اجي هنا اشارك ببيتين تخصني انا

من اي نواحي الحياه دون الرد او مجاراه لاي شاعر .. ولا اطلع سوى لاخر حرفين من الشاعر الي قبلي ..

حبيت اوضح النقطه هذي عشان ما احد ياخذ بخاطره مني ابد ..


مشاركة اليوم ..



وعدك متى يامحرق (ن) قلب سامي = الوقت طال ونار شوقك كوتني

يعني مدامك صرت مطمع غرامي=ارحم عيون(ن) للقاء مشغلتني ..!!

[شـــوق]

جزيل الشكر لكل من شآرك معنا هنا .. لا عدمناكم

وسامي الوايلي : مشكور على التوضيح .. وانت ابد ما أظن يلحقك اي شك

[صالح اليامي]

نيّـــات تسبح في سما منتدانا = واغض طرفي خايف من المشاكل
احيان افكر ويش سبة بلانا = واحيان ياخذني العقل للتجاهل ..!

[سـامي الوايلي]

كلن ضميره يابو بتال عقله = لا تكترث دام النوايا مطايا

وكلن يمثل نفسه وطيب اصله=والصدق عمره ما انكتب في الخفايا

[صالح اليامي]

يا سامي ارحب وانت والله تستاهل = قرمٍ ولد قرمٍ وربعـــك قرومي

[ناصرالروقي]

سى الله يخلي نور عين البلد ياسعود =غلاها ملكني وودع القلب له حنه
فديت الهنوف ام اشقرن والرموش السود =دواي اوغرامي لن ضحك بان لي سنه

[البندري العجمي]

موضوع شيق جدآ ...

مشاركتي المتواضعه ..
لو القلوب تشيل مثلك وشرواك ___ لاحطك بقلبي واغذيك من دمي

ودمتم

[ناصرالروقي]

مستحيل اكتب على بعدك اغلا الذكريات,,,,,,رايح اكتب لك غلا الروح لوكنتي بعيد

[سـامي الوايلي]

يدفعني الشوق يمك وانت عني بعيد = ياشوق تكفى ترفق بي وجد بالوصال

ومادام حنا يا شوق بوقت مقبال عيد=يازينها و العيد عيدين يابن الحلال ..

[شـــوق]

صـــالح اليامــي .. جميله ابياتك والأجمل رجاحة عقلك التي تقودك للتجاهل :)

البندري .. لا هنتي على المشاركه الرئعه ولا عدمنا هـ الطله

ناصر الروقي .. تواجدك يضفي المزيد من الجمال على المتصفح

سامي الوايلي .. حضور دائم وقوي وراقت لي ابياتك كثيرا

[ناصرالروقي]

لا عاد يوم المفارق ياطويل العمر,,,,عزالله انه يخل الرجل حاله دمار

[سـامي الوايلي]

ارحب على وضحك النقا = واقلط على جال الغلا

فان كان حبك لي رقى=والا طردتك للخلا

[شـــوق]

ناصر الروقي .. جميله مشاركتك جزيل الشكر لك

سامي الوايلي .. دوما تنير الساحة بجمال مشاركاتك .. لا عدمناك

[محمد بن مشاري]

ليتي ما عرفت هالزمان اللي علي قاسي=ولا دريت ان الحياة جروح ودموع وتحيطم الاعمار

صحيح ان البقى لله وكبر الهم ينداسي=لكن قوية يادموع دموع جرحك تزيدها قسوة الاقدار

[ناصرالروقي]

ان شفت زولك غشى روحك حلى الدنيا,,,,,,احسك انتي حلى روحي وغاليها

[محمود الشاهين]

فكره جميله اختي شـــوق

وناخذ من ناصر الروقي آخر حرفين وأقول :


هايم في حبه ماابي حب غيره=حبه ملكني من أحاسيس الاعماق
قلبه عشير ٍ لي وقلبي عشيره=غيره أبد لجله ولاخافقي راق ..!!


شاعر الغربة

[شـــوق]

محمد بن مشاري .. لا هنت على الحضور والمشاركه الجميلة

ناصر الروقي .. حضور جميل لك كل الشكر عليه

محمود الشاهين .. حياك الله تشرف المكان بحضورك ويعطيك العافيه ع المشاركه الرائعة

[سـامي الوايلي]

اقول يالي تدور طيحت السامي = تبطي و تبطي ولا هزيت صم الجبال

وكانت تدور لكية مسيم(ن)حامي= تبطي وتبطي ولا جالك علينا مجال

[شـــوق]

سامي الوايلي .. ردي عليك سيكون مختلف هذه المره ليتناسب مع جمال حضورك في الساحة


وهذه الأبيات المتوآضعه وليدة اللحظه اطرحها لكم :










الله الله عليك يالسامي = لك شموخ (ن) يهز الأوغاد

وكل من جا لك على قهرتك ظآمي = ينكس مثل ما جا تعميه الأحقاد

[سـامي الوايلي]

للشوق والمنتدى الي دايما سامي = يالله عسى اعيادنا تنعاد ثم تنعاد

[محمد بن مشاري]

زمان نزل خشوم ورفع من رداه خشوم=ورجح ميزان رخوم وزاد الكيل مكيالي

وعشى الثعل واكرم بعطاياه البوم=والذيب من جــوعه يقنب بشــم الجبالي

[شاجع الشريف]

لي بدعت القاف ثم جيت انثره=يحتشد في خاطري جزل الكلام
أنتقي من كل طاروق ثمره=في الحكم ولا الفخر ولا الخصام
شينها لا طحت في ورع ومره=ان خسرت فعار وان فزت فملام

[سـامي الوايلي]

اما انت يالي عطيتك قلب ابوساره = عرفت تغدرني وتلعبها مع غيري

لكن تأكد ترى الايام دواره =وختامها لك تحياتي وتقديري

[شـــوق]

مشاركات اكثر من رائعه الشكر لكم جميعا

[سـامي الوايلي]

ريح ضميرك ماني بحولك ابد = والي ببطنه ريح ماهو مستريح

نعم انا الي لي وعد فعلا وعد=هذا كلامي وافهم العلم الصحيح

[محمد بن مشاري]

صرتي لي القهوة وأنفاسك الدلّه =كلما تخيّلتك مدّيـــت بذراعي

ألعب لك أبياتي وأنشد لك الشلّه =أحيـيــك حفلاتي وانتي لها الراعي

[سـامي الوايلي]

عيدي الي من قبل يومين راح = ماحسبته عيد لانك ما انت فيه

العرب تضحك وانا عيدي جراح=يوم قلبي ما اهتنا بالي يبيه

[نقاء]

.

وين أهل الشعر والساحه




كملوا



مستمتعين :)


.

[شـــوق]

محمد بن مشآري .. شكرآ على الإبدآع المتوآصل

سامي الوايلي .. يزيد جمآل السآحه بحضورك

نقــــآء .. أهلا بحضورك منوره .. ومعك حق نتشوق للمزيد من الإبدآع والمتعه

[عبدالله الحسين]

ياكثر ماطوّلت بالي على الضيق = الين ملّ الصبر من طول بالي

[أبو مهند العمرو]

وردت للتوّ :)



يا همي قلبي كبر نجران = من يوم ما غاب الخل عنّي

[شـــوق]

عبدالله الحسين .. حياك الله وسعداء بمشاركتك وحضورك الرائع

مهند العمرو .. جميل في حضورك الأول ويبدو لي ان من عاشر القوم صار منهم :)
واتمنى ان نراك بإستمرار

[الـريـم]

شـوق

فكـرهـ رائعه كروعتـك غاليتي

بو سـآرهـ

لك كامل إعجابي بما طرررحت قصائد بقمـة الروعه

صح لسـانك يـاخوي ’’ :)

[سـامي الوايلي]

يسلمو يالريم ومشاركتي اليوم لك ,,


لي جابت الناس طاري بنات الكويت = اول مايطري على بالي جمال الريم

ذوق وأدب واحترام ومعهم (اتيكيت)=وحضورها يشبه الالحان والترنيم

[الزعيــمة]

رووووووووووووووووووووووعة

تمنيــــــــــــــــــــــــاتي لكم بالتقدم

[شـــوق]

الـــــريـــم .. حيآك الله يالغاليه وسعداء بمتابعتك

سامي الويلي .. جزيل الشكر لك مشاركه رائعه وتستآهلها الريم

الزعيمه .. نتشرف بحضورك في السآحه كوني متابعه دوما

[عزام الشراري]

مَدرٍي وُش آللي حدّني سآعة آلضيق ،، آكتب هنـآ فـي سآحةٍِ للتحدّي

وأسوق حرفي سـوق زين آلمطآليق ،، وآنثر جروحا ً هقوّتي مآتعدّي




أول مشآركه :$

[شـــوق]

عـــزآم الشــرآري .. نورت السآحه بتوآجدك ومشآركتك الجميلة
وياليت ماتكون آخر مره نبي نستمتع بإبدآعك :)

[الـريـم]

بو سـآرهـ

أخجلت تواضعنـا ’’ :11:

[أم تركي]

جميعكم مبدعين

والقصيدة الأخيرة حلوة

بس لو فية الدكتور غسان

[سـامي الوايلي]

اررررررررحب ياعزام حضور قوي وجمييييييييييل ,,

الله يهديك من اين اجيب كلمه بدايتها (دي) ,,هههههه


ديرتك قلبي وعيني جيش في خدمة رضاك = والمشاعر شعبك الي مايخونك في الولا

دام صرت انت المليك وكلنا صرنا بحماك=لاتودي شعبك المخلص متاهات العنا

[الزعيــمة]

كل واحد يقول الزود عندي

بصراحة جنـــــــــــــــــــــــــــــان

الله يـــــــــــــــــــــــــــوفقكم يارب

[شـــوق]

الـــريــم .. منوره المتصفح يالغاليه وتستآهلين كل خير

مشآعل .. حيآك الله في السآحه

سآمي الوآيلي .. مآشاء الله ما يعجزك شي :)
أبياتك اكثر من رآئعه وكعآدتك صآحب حضور متألق في السآحه

الزعـــيمـــه .. نسعد بمتابعتك وكل الشكر لك ع التواجد

[محمد بن مشاري]

ناسً على النمات بالحيل عجلان=وبالمرجله ماتنشراء بالريالي

لاجيت تطلب فزعته قال تعبان=وياشين زوله في المجالس يلالي

[شـــوق]

محمد بن مشآري .. عزالله انك صدقت صح لسانك عدد بلا مدد

وجزيل الشكر لك على هذه المشآركه الأكثر من رائعه

[سـامي الوايلي]

ليتك تشوف القلب وش كثر يغليك = وليت تشوف اش جاه من جور صدك

وليتك تعرف اني انا فعلا ابيك = وليتك تشوف اش كثر قبي يودك ..!!

[نقاء]

.


وردت للتوّ





يا همي قلبي كبر نجـرانمن يوم ما غاب الخل عنّي





مَدرٍي وُش آللي حدّني سآعة آلضيق ،، آكتب هنـآ فـي سآحةٍِ للتحدّي

وأسوق حرفي سـوق زين آلمطآليق ،، وآنثر جروحا ً هقوّتي مآتعدّي




أول مشآركه :$

شعار جدد بساحة التحدي وأول الخير :)


.

[أبو مهند العمرو]

شوق .. نقاء :)


ما قلت لك قلبي طريح (ن) من العام = ولا زلت يا أريش العين سالي !!

[أبو مسك]

مُـتابع .. :)


عـزام ، مُهند ، أستمروا

[شـــوق]

سآمي الوايلي .. شكرا على جمال الحضور

نقآء .. سعداء بمتابعتك وابشري بالمزيد إن شآء الله

مهند العمرو .. حضورك رائع ارجو ان لا تحرمنا منه

الفــــدآوي .. تسعدنا متابعتك .. وابشر مهند وعزام مبدعين وماراح يبخلون علينا :)

[سـامي الوايلي]

مهند حضور جمييييييييييييل ,,بس لو كانت كذا كان اجمل:67:


ماقلت لك باني طريح(ن) من العام = ولازلت (عني) يا اريش العين سالي

مشاركتي اليوم ,,


ليه تطعني وانا الي بك وثقت = وليه تغدرني وانا الي لك وفيت
بس عادي لاتحسب انك ربحت=لو تلف الكون مثلي مالقيت

[الشيهانه]

اللــه عليك .. يـا ..

سـامي الوايـلي ..

ابـدعت بصرااحه .. ما شاء الله عليك .. صح لسااانك ولاهنت خيو !

[الـريـم]

< - - متـآبع ــه بهـدوء ’’ :)

[شـــوق]

سامي الوايلي .. حي الشعر والشاعر والملاحظات اللي نستفيد منها :)


الشيهانه .. حيآك الله وجزيل الشكر لك على متابعتك


الريــم .. هلا بحضورك الرآقي وبمتابعتك الهادئه

[سـامي الوايلي]

الشيهانه ,, والريم ,, والشوق الف شكر لكم ,,

مشاركتي اليوم ,,



يتعبني الشوق والتفكير في غيابك = واسالك عليك البشر والكل يحسدني

الحسد ماهو عشاني اقرب احبابك=مجرد اسمك لو انطق به يشرفني

[أبو مهند العمرو]

شكراً أبو ساره على التعديل الجميل.


خليتني حاير وسط ذيك الهموم = وأنت الذي نفسي بيدّك سعدها

[شـــوق]

ســآمي الوايلي .. ماراح اشكرك على تواجدك اليومي لأنك صرت من أهل السآحه :)
بس حابه اهني أنفسنا بوجودك المتألق بيننا


مهند العمرو .. حيآك الله وسعداء بوجودك .. لكن ليـــه كنت مخبي إبداعك عنا :66:

[صالح اليامي]

شينها لا طحت في ورع ومـره = ان خسرت فعار وان فزت فملام

أعجبتنـــــــــي جـــــــــدا ..

صح لســـانك يالشــــــــاجع ..

[أبو مهند العمرو]

مهند العمرو .. حيآك الله وسعداء بوجودك .. لكن ليـــه كنت مخبي إبداعك عنا :66:



هذا البيت مهدى إلى أميرة الذوق. أيضاً ورد للتو


عتيبية (ن) لامتني اليوم ع سكات = ما تدري إن العين لقيت نظرها

:)

:)

:)

[شـــوق]

مهند العمرو .. بوجودك تجلت روعة الحضور أيها العملاق
ودام لقيت نظرها مالك حجه بعد اليوم توآجدك في الساحه اصبح مهم لدى للعتيبيه :)

[محمد بن مشاري]

جاني الوصل في ود ٍ على شط الغلا ممدود=واثاري وصل مبتور ٍ جفا بقلوب ضميانة

ضمت من شوق في قلبي وفا حب ٍ يجي مشدود=على اوتار الغلا فيها نطق كافر بإيمانه

[مانع الوايلي]

نهيت من وصله ضميري ولا طاع=حتى كتب وجه الزمان النهايه
بيني وبين اغلى بشر يدعس القاع=تلويحت الكفين وأجمل روايه

[سـامي الوايلي]

يهز الخفوق اسمك اذا جابك الطاري=وتبي الصراحه ماذبحني سوى طرياك

وادور على فكره بسيطه من افكاري=توصل مشاعر شاعر(ن)عالبشر بداك

[الـريـم]

^

^

الله عليــك يابو سـآرهـ

كلمآت روع ـه .. :)

[أبو مهند العمرو]

والله يا شوق شكلي تورطت مع العمالقه.

السموحه يا كبار تراني احبي حبي :)

مانع الوايلي عطني يدك :)


أنشدك, لا تبعد ترى البعد قتّال = يا شين حالي يالغلا من بعدكم

[صالح اليامي]

كم من عزيزٍ طاح بأسباب ظنه = وكم من عزيزٍ من عيننا طاح

[شـــوق]

محمد بن مشآري .. ابيات اكثر من رائعه صح بوحك ولا هنت على المشاركه

مآنع الوايلي .. اعدت التوهج للساحه مره أخرى من خلال توآجدك جزيل الشكر لك

سآمي الوايلي .. انت نجم السآحه الأول من خلال التألق اليومي لا عدمنآك

الريم .. توآجدك هو الأروع عزيزتي لا تحرمينا من طلتك

مهند العمرو .. انت قدها وقدود يالعملاق :)
وجزيل الشكر لك على المشاركه الجميله
صالح اليامي .. حيآك الله وجزيل الشكر لك على المشاركه

[سـامي الوايلي]

هلا يامهند .. الكبير الله وانت مبدع واصل المشوار والعملاق مانع معاااااك ,,

[عزام الشراري]

أنا اعشقك عشق الكرم للشرارات=وأنتي إعشقيني عشقهم للشجاعه
أنا معك كلي مـن الـذات للـذات=وأنتي إمنحيني بس سمع ٍ وطاعه
أنا مع أشواقي أبقطع مسافـات=وأنتي اذكريني بين ساعه وساعه

[شـــوق]

سآمي الوايلي .. حيآك الله بس انت ممنوع تدخل السآحه من غير ابيآتك :)

عزآم الشرآري .. الله عليك وبدون مجامله ابياتك اكثر من رائعه
وألف نعم فيك وفي الشرآرات ولا تحرمنا من تواجدك في الساحه

[محمد بن مشاري]

ليتي ما عرفت هالزمان اللي علي قاسي=ولا دريت ان الحياة جروح ودموع وتحيطم الاعمار

صحيح ان البقى لله وكبر الهم ينداسي=لكن قوية يادموع دموع جرحك تزيدها قسوة الاقدار

[سـامي الوايلي]

سلام عليكم ..

شوق دامك صاحبة الموضوع .. وش نظام الكتابه .. اشوفنا كشعراء صرنا مختلفين كثير ..

وصار موضوعنا زي سجل مشاركتك لابيات لك ..

كيف النظام ..

هل نتبع اخر حرفين من الشاعر الي قبل ,, او على نفس الوزن والقافيه او كل واحد يكتب مشاركته بدون شروط ..

انتظر الرد ..

[شـــوق]

وعليكم السلام ورحمة الله وبركاته


حيآك الله سامي وفكرة التحدي كانت انك تأخذ آخر حرفين من الشاعر اللي قبلك وتبدأ فيها ابياتك مثال على ذلك مشاركاتك اللي تطرحها :)


لكن فيه شعراء يكتفون بتسجيل حضورهم من خلال ابياتهم دون الخوض في التحدي :(



وشكرا لك على الملاحظه والتنويه وإن شاء الله يتم الإلتزام بها

[سـامي الوايلي]

ارحب ياسالم ,,جزل وصح الله لسااااااااانك ,,اتمنى الاستمرار ,,

شوق ..مشكوره وراح نعتمد بداية البيت باول حرفين من ابيات الشاعر الي قبلك ,,



بسم الله الرحمن رب العالمين = واليوم سحاتنا عطت قانونها

وانا هنا واحد من الي معجبين=بشعار ساحتنا وما يعطونها

[شـــوق]

سآلم آل رشيد .. حيآك الله وكنا سعداء بمتابعتك لنا واصبحنا اكثر سعاده ونحن نرآك تنثر إبدآعك في السآحة صح نبضك ونتمنى ان يدوم توآصلك معنا

سآمي الوايلي .. ياعيني عليك هذا الكلام الصح ولا هنت على المشآركة

[أبو مهند العمرو]

كفو عزام. ونعم منك ومن الشرارت

خلوني أنا على بيت واحد الله يرحم والديكم :)

وبعد فتره أعطيكم بيتين :)




انت حبيبي اللي تمنيت لقياه= وهاذ أنت عيني ,,, أسكب من العين ماها!!

[شـــوق]

مهند العمرو .. هلا بك انت وإبدآعك وجزيل الشكر لك على المشآركه
ودامك (مؤقتا) بتمشي بالتدريج ما نقول غير حيآك الله بأي وقت :)

[صالح اليامي]

أرحب يا سالم ..

وراح احاول اجاريك ولا ارد .. :)



هات العتب عنك واشيلك على الراس = تبقى عزيز القوم وغيرك بأخليه
الزير سالم ما أتعبه هرج جساس = وفـ كليب كل الحي ما عاد يكفيه[/center]

[سـامي الوايلي]

(بس ) ,,



بسافر انا وياك لاقصى اراضي الحب = ماودي احدن يشوف ايدك مع يدّي

ولا صعدنا سوا قمة جبال الالب= وافوز بك واصيح ياناس من قدّي

[صالح اليامي]

الله لا يسفهنا يا ابو مطلق .. :)

[بلنتاين]

بصريح العباره منتداكم جميل واتمنالكم المزيد من التقدم

[سـامي الوايلي]

وش السالفه يابو بتال ,,!!

بلنتاين ..ماعليك زود ولنا الشرف وانا اخوك ..

[عزام الشراري]

(دي )

ديرتي قلبه ومرباي الضلوع ،،، واحتواني بين عينه والهدب

إستثار الصمت بلسانٍِ فجوع ،، مايخاف الله شبكني وإنتدب

[أبو مهند العمرو]

داخل بالعرض, وعامل معلّم :89:::>>>>>>>>>>>>>>>>>>>>>>

أبو ساره أش رايك لو عدلنا لك على أول بيت


بسافر انا وياك لاقصى بلاد الحب = ماودي احدن يشوف يدّك بيدّي

[نقاء]

.



الشعراء الجدد طغوا على الساحه :)


كملوا .. متابعين

.

[صمـود]

متابعين

وبشده

[الشيهانه]

قمـة المتـعه عنـدما اتصفـح هذه الصفـحه !
للجمـيع :

الـى الامـام !

[شـــوق]

صالح اليآمي .. حيآك الله ويسعدنا تواجدك

سامي الوايلي .. مبدع قليله في حقك واصل فنحن مستمتعين بما تقدمه

بلنتاين .. حيآك ياأخوي ونتشرف بتواجدك معنا

عزام الشراري .. يسعدنا تألقك معنا في السآحه واصل معنا

مهند العمرور ..هلا بك يا معلم :)
وأؤيدك في ملاحظتك ،،!

نقـــــآء .. حيآك الله ونتشرف بمتابعتك لنا :)

المسك والشيهانه .. لا تحرمونا من متابعتكم يالغاليات

[أبو مهند العمرو]

قل متى أجي لك وأنا أجيك = عزّت عليّ تكون منت راضي

[صقر الفلا]

شكرا بحجمك ياشوق وهذي محاوله بسيطه

ياصاحب.ن لك بالقلب معزه.... حالي بعد فرقاك ماهي بحاله

[شـــوق]

مهند العمرو.. هلا بك أخوي نورت السآحه بحضورك وجزيل الشكر لك على المشاركة

صقر الفلا .. الله عليك يا أخوي طلعت مبدع ولا عندنا خبر .. لا هنت على المشآركه وياليت ما تحرمنا من تواجدك معنا

/

حقيقه اعجبني تفاعل الشعراء الجدد .. ياليت تواصلون معنا بشكل مستمر :)


وملاحظه : اعتذر من الشآعر سامي الوايلي لأني شاركت أخوي مهند بملاحظته واكتشفت اننا بذلك كسرنا ابياته :(

[سـامي الوايلي]

له كامل الحب واشواقي وتقديري =هذا مهند حياة و قلب ابو ساره

ياشوق ليه العذر ماصار تكسيري =مجرد اضافة(ن) حلوه من افكاره

[صالح اليامي]

رهاوي اشواقنا تذبح ولكن العتب فضّـاح = علام الدهر خالفناوخالف معه هقواتي

[شيخة العجمان]

تيـّار الفكر جارف وكل الناس تدلـّه ....... الحلال حرموه والحرام مبيحنـّه



الف شكر لك ياشوق على موضوعك الذي أطلق العنان للأقلام مدفونه

[صالح اليامي]

أرحبي يا بنت العم ...

نهجر تقاليد اجدادنا والعذر الحداثه = اه يا ليت اجدادنا ما ورّثونا

[شيخة العجمان]

البقى يآخوي




نار الشرّ عم الخير والبنا منهدّه .... زيزوم يآم ورثنا الطيب في دنيا مسوده

[صالح اليامي]

دهاني الزمان الشين والحقران يا شيخه = ما دروا عن يام عادتها عزة العاني

[شيخة العجمان]

نيران للروح ونشريّ الإبتسامة .... لليتيم الي فقد معنى الأمان

الله أكبر على الشر معتلي هامة .... زرع الدمع للعين في ذا الزمان

[مانع الوايلي]

أنين المفارق الشقاء والهجر والنوح= تخالف على قلب الشقاوي وتسريبه
مع الشعر وأحساس المشاعر وجرح الروح=يجيني غلا بنت الاكابر وأهذريبه
غلا لكن أكبر من كلامٍ كتب في لوح=غلا حب مانع له هو أكبر عذاريبه
تفرعن وراء حدب الضلوع وغدا له بوح=مع قافي اللي ساحة الشعر تدريبه

[صالح اليامي]

بهت بك صفحة الساحه وزاد بها النور والاشراق = وجود الطيبين يزيدنا نور وتوهّاجه
هات العلم يا مانع ومثلك له ترحيبنا ينساق = مكانك بيننا دايم يفرحنا تولّلاجه

[شـــوق]

سآمي الوآيلي .. هلا بك وبمشآركتك اللي مالنا غنى عنها

صآلح اليآمي .. مشآركات جميله جدا لا هنت عليها

شيخة العجمآن .. حيآك الله أختي الغاليه ونتشرف بمشآركاتك ونتنمى دوامها معنا

مآنع الوآيلي .. الله عليك مشآركه اكثر من رائعه وحضور متألق كعادتك جزيل الشكر لك

[شيخة العجمان]

جهر صوت الدمع لفراقـ ِ ... الغالي على القلب والعين

[أم تركي]

متابعة بصمت

الصراحة مالي بالشعر

بس ماشاء الله المتواجدين ماقصروا

[سـامي الوايلي]

(ين) ,,


ينام الليل شخص (ن) ماعرف طعم القهر والهم = ولايسهر سواتي الاّ عليل وعاشق(ن) ولهان
وانا لامن عسف خيول همي فزت بالمغنم=ولا فكرت في العشقه ولا فكرت في الاحزان
وتحليت بشموخ الوايلي وبطهرة المسلم =وعشت بهيبة ملوك الحكم في ساير الاوطان

[عزام الشراري]

ان


أنـآ آللي فـي بحـر حبك تسبحت وسبحت وعِمت ،، وشـفت آلموُت من دوُنك يضحكني ويبكيني

[شـــوق]

شيخة العجمان .. حضور جميل يالغاليه واصلي بهذا التألق

مشآعــل .. حيآك الله وتسعدنا متابعتك

سآمي الوايلي .. هلا بك منور السآحه بتوآجدك ولا هنت على الأبيات الجميلة

عزام الشراري .. توآجدك يسعدني كثيرا اتمنى ان لا ننحرم منه :)

[شيخة العجمان]

نياب الذيب في جمع الليل مبين .... غدى في كل الاماكن لآهــي

[صالح اليامي]

هيهات يا قلبٍ من الحب يشكي = على ضلوعٍ جمّرت من لظاها

[سـامي الوايلي]

هات الورق واكتب عباره صغيره = من قلب سامي فاضت بكل الاشواق

(انتي دوى كل القلوب الضريره)= (وانتي غرامك محرق(ن) قلبي احراق )

وانا المدينه لكن انتي الاميره = ومن دون حبك نرخص اموال واعناق

[صالح اليامي]

اقبلت للساحه وانا خاطري ضايق = بانثر بها من وجد روحي شويّه

[مانع الوايلي]

يهيه أحتدم لي وأسمع الهرج وش باقول= مدام صالح وافي الباع قدامي
أنا لي ثلاث أسنين بين العباد أجول=تنام العباد وقلبي الحر ما نامي

[محمد بن مشاري]

انا شبت وشاب راسي من الدرس=وغير الشهاده ماحصل لي شهاده

صلط علي مدرسن خاطره شرس=يقول عبر عن عيون الجراده

والا عن الصرصور كم به من ضرس=اهبي هبيتي يادروس النكاده

[صمـود]

مااجمل مااقرأه هنا

صالح , سامي , مانع الوايلي , محمد بن مشاري

صح السنتكم
ابيات جميله من شعراء اجمل
متابعين ...

[صالح اليامي]

دهاني حسن شعر مانع الضرغام = يا وافي المعنى بالشعر أروني
يتعبني الهاجس الكايد مع الدرهام = يا ساحة الشعر حضور مانع دوني

[مانع الوايلي]

نياح الحمام أيجدد الهم لامن ناح=وتارد قوافي الشعر قلبي وتدويبه
على صالح اليامي تغنى القصيد وفاح=معاني غلا للي شهر عندنا طيبه

[أم تركي]

صااالح************ ماااااااااانع


صح السنتكم00:079:

مبدعين 000

بيض الله وجيهكم 000

[شـــوق]

مشآركات جميله جدا .. الشكر لكل من مر من هنا

[محمد بن مشاري]

زمان نزل خشوم ورفع من رداه خشوم=ورجح ميزان رخوم وزاد الكيل مكيالي

وعشى الثعل واكرم بعطاياه البوم=والذيب من جــوعه يقنب بشــم الجبالي

[أم تركي]

صح لسااااااانك اخوي محمد بن مشاااااري

[مانع الوايلي]

ليا أختال مابين الضلوع الغلا وأجتال=عرفت أن هـ....أ تسكن بوسط الشرايني
غزالن لها في وسط قلبي غلا وأجلال =خذتني على كل البني المزاييني
غلاها سراء في وسط دم الحشاء وأحتال=على قافي اللي للقصايد يقديني

[سـامي الوايلي]

نيتك بانت معي يابن الحلال = والعذر ماعاد ينفعك العذر

والله ان تبطي ولا جالك مجال=كود تلجأ للرديه والغدر ..!!

[زايد حلاها]

الله الله عليكم يا مشاري * مانع * سامي *صالح

واااااااااااااصلوا الابداع صح السنتكم جميعا

متااااااااااااااااابعه لكم جميعا

تقبلوا تحياتي ومودتي - اريج -

[أم تركي]

ماااااااااااانع000000000سااااااامي

متاااابعة

صح السنتكم

[أطــهر قلب]

متااااااااااااااااااااابعين لكم صح السنتكم وقلوبكم ياااااااارب

استمرووووووووووووووووووا

[مانع الوايلي]

دريت بلي تل قلبي من أقصاه=وضحكت لي صرت ماعاد أقاوم
غروٍ نهار العيد ضحكت محياه =خلت بقلبي كل همٍ يداوم
لاتحسب أني من قديم أتمناه=في ذمتي ياذيب ماني مساوم

[عبدالله الحسين]

غبت وتقول غيابك أن طول أسبوع = واليوم دار الحول والقلب ملتاع
ياعونة الله كان ماتطري رجوع = يضيق في الكون وفجوجه وساع
حبل الرجاء بغيابك العام مقطوع = والقلب لاجيت اعذله منك ماطاع
يقول دور غير فرقاه موضوع = والله ماغيره سكن وسط الأضلاع

[أم تركي]

صح لسااااان الشاعر مانع الوايلي


وصح لسااان الشاعر عبدالله الحسين

بالتوفيق

واصلوا ابداعكم