البتال
12-21-2008, 08:37 PM
بسم الله الرحمن الرحيم
جادت بي القريحه لكتابة بعض الابيات المتواضعه
اتمنى ان ترقى في مضمونها لمتذوقكم المتجدد دوماً بالجمال
ابدا بذكر الله وسيد النبيين = والآل يلحق كل خلٍ خليله
وارسل رساله واتبع الصوت صوتين = عسى مجيب الصوت يهدى سبيله
وبنظم رؤوس اقلام تكتب عناوين = لا هي مخله لا ولاهي طويله
مانا من اهل الشعر واهل الدواويين = لكن نجمّع كل لفظة سهيله
لابناء "حيدر " ليث بدرٍ وصفين = والناكثين أشفى بضربة غليلة
من هم لدين الله جيشٍ معزين = بخيولهم والمرهفات الصقيله
من هم على قلبي وربي عزيزين = عز المطر لاغاب منا هطيله
عقالهم واصغارهم والمسنين = أهل النسب واهل الجدود الاصيله
الله وكيل وذا قصيدي بتقنين = تشهد علينا كل لحظة قبيله
انتم بني هاشم على الدين مقوين = وان حبكم بالقلب ماحدٍ يشيله
اقولها مبطي واقولها ذا الحين = ماخفي مودتكم وباليد حيله
انتم بشر مخلوق من طين علّين =وان حبكم يبري القلوب العليله
وان حبكم ثابت علينا كما الدين =ماهو مواتر بانغيّر مديله
مهما مدحت الغير ما الدّر كالطين =خذ نظم واحيا وارتوي من قليله
والله هدانا بالجماعه لنجدين = نجد الردى والا .. فنجد الفضيله
مادامت الفرصه متاحه ونفسين = لاتنقضي يدعي ثبوره وويله
يوم القيامه باتنصّب موازين= يا سعد من نصّب وكانت ثقيله
ينتج ويلحق بآل طـه و يايسن = وان خفّت الاوزان تسمع عويله
يوم يشيب الراس والشمس قوسين = وتكون ذات الطفل منّه ذهيله
وتفتح البيبان درفين درفين = وترى العقول الراجحاتٍ محيله
قمع الهوى يبغي رجاجيل مقوين = بالدين والايمان مابه مثيله
ومن طمع بقعا فلا هو من الدين = نخشى عليهم لايروحوا نثيله
العمر والارزاق مخطوط سطرين = فوق الجبين الله أمر هو كفيله
هذي نصيحه للجماعه وباللين = للشعر صاب الله مدوّر فشيله
وازكى صلاتي للنبي والميامين = نسل النبي ساده وهم لي وسيله
وسلامتكم
جادت بي القريحه لكتابة بعض الابيات المتواضعه
اتمنى ان ترقى في مضمونها لمتذوقكم المتجدد دوماً بالجمال
ابدا بذكر الله وسيد النبيين = والآل يلحق كل خلٍ خليله
وارسل رساله واتبع الصوت صوتين = عسى مجيب الصوت يهدى سبيله
وبنظم رؤوس اقلام تكتب عناوين = لا هي مخله لا ولاهي طويله
مانا من اهل الشعر واهل الدواويين = لكن نجمّع كل لفظة سهيله
لابناء "حيدر " ليث بدرٍ وصفين = والناكثين أشفى بضربة غليلة
من هم لدين الله جيشٍ معزين = بخيولهم والمرهفات الصقيله
من هم على قلبي وربي عزيزين = عز المطر لاغاب منا هطيله
عقالهم واصغارهم والمسنين = أهل النسب واهل الجدود الاصيله
الله وكيل وذا قصيدي بتقنين = تشهد علينا كل لحظة قبيله
انتم بني هاشم على الدين مقوين = وان حبكم بالقلب ماحدٍ يشيله
اقولها مبطي واقولها ذا الحين = ماخفي مودتكم وباليد حيله
انتم بشر مخلوق من طين علّين =وان حبكم يبري القلوب العليله
وان حبكم ثابت علينا كما الدين =ماهو مواتر بانغيّر مديله
مهما مدحت الغير ما الدّر كالطين =خذ نظم واحيا وارتوي من قليله
والله هدانا بالجماعه لنجدين = نجد الردى والا .. فنجد الفضيله
مادامت الفرصه متاحه ونفسين = لاتنقضي يدعي ثبوره وويله
يوم القيامه باتنصّب موازين= يا سعد من نصّب وكانت ثقيله
ينتج ويلحق بآل طـه و يايسن = وان خفّت الاوزان تسمع عويله
يوم يشيب الراس والشمس قوسين = وتكون ذات الطفل منّه ذهيله
وتفتح البيبان درفين درفين = وترى العقول الراجحاتٍ محيله
قمع الهوى يبغي رجاجيل مقوين = بالدين والايمان مابه مثيله
ومن طمع بقعا فلا هو من الدين = نخشى عليهم لايروحوا نثيله
العمر والارزاق مخطوط سطرين = فوق الجبين الله أمر هو كفيله
هذي نصيحه للجماعه وباللين = للشعر صاب الله مدوّر فشيله
وازكى صلاتي للنبي والميامين = نسل النبي ساده وهم لي وسيله
وسلامتكم